Griechisches Feuer

S Griechische Füür (griechisch Ὑγρὸν Πύρ Hygròn Pýr, nöigriechisch Υγρό ΠυρVorlage:Lang – Invalid: 'gr' * probably 'el' intended Igró PirVorlage:Lang – Invalid: 'gr-Latn' * probably 'el' intended „flüssigs Füür“) isch e milidäärischi Brandwaffe gsi, wo im byzantinische Riich sit em 7. Joorhundert iigsetzt worden isch. Dr Naame griechischs Füür isch nit authentisch; d Byzantiner sälber häi em Seefüür oder flüssigs Füür gsäit. S griechische Füür isch kritisch gsi in dr Verdäidigung vo Konstantinopel, wo d Araber d Stadt vo 674 bis 678 belaageret häi. Es isch au spööter immer wider iigsetzt worde und wägen em het die byzantinischi Flotte dr östligi Middelmeerruum wäärend Joorhunderte chönne beherrsche.